Realtime Web StatisticsRealtime Web Statistics

मैले मन पराउन नसकेको मान्छे

जब देखें तिमीलाई
भेटे देखी तिमीलाई
छाल उठे कतै मनभित्र
उछिल्लिए भाबहरु
उठिरहुँ भएन
बसिरहुँ मन मानेन ।
रंगिन सपनिले
रातहरु मस्तीमा बिते ।
फिल्मि तरंगमा
चालहरु सडकभरी
सुसेलीहाल्दै स्लो मोसन भए ।

अलि हतार भएछ कि !
उल्टो गिन्ती हुँदै
एट्रयाक्सनको हिप्नोटिज्म
यथार्थसँगै उत्रियो ज्यानबाट ।
उहि छालहरुले लछार्दै
दहमा डुबाउन खोज्छन् ।
उहि सपनाहरु
मध्यरातमा तर्सेर ब्यूँझाउने
खराब बन्छन् ।
स्लो मोसनले
जिन्दगी धेरै धकेलिएछ ।

तिमी अलि चर्को भएछौ
असारे घामजस्तो
सायद पुषमा भए त
न्यानो मानी लुट्पुटिन्थें होला ।


असली हिरा चैँ भित्र चम्किदैछन् नि । खोलेर हेर्नुस् ।
सेवा
जय
रिचा
बिना

1 comments.:

jay said...

dherai sundar kabita. dhamakedar return bhayekoma badhai chha.

Post a Comment